Големиот одрон што утрово го блокираше регионалниот пат Ресен – Стење, на делницата меѓу Шурленци и Отешево, е целосно отстранет. Коловозот е расчистен, а сообраќајот е повторно во функција во двата правци.
Екипите на надлежните служби успешно го обезбедија критичниот потег и го отстранија камењето и земјата од коловозот. МВР и локалната полиција потврдуваат дека патот е безбеден за движење.Возачите се повикуваат да продолжат со внимателно возење, особено на планинските делници, каде што постои ризик од можни нови одрони.
