Покрај главниот процес за трагедијата во дискотеката „Пулс“ во Кочани, има и посебна постапка против полицајци. Тие се сомничат дека во текот на повеќе од една деценија давале лажни уверувања и дозволувале дискотеката да работи без исполнети безбедносни услови. Дел од нив се веќе во притвор, а други се под мерки на претпазливост. Се товарат за „тешки дела против општата сигурност“ како соизвршители, бидејќи со нивните пропусти директно придонеле за создавање услови во кои се случи трагедијата.
Истовремено, изминатата недела Обвинителството соопшти дека е поведена постапка против група вработени во УЈП и Државниот пазарен инспекторат, кои се сомничат за мито и злоупотреби поврзани со истиот случај. Биле извршени претреси на нивните домови и работни места, а Обвинителството истражува дали тие имале улога во прикривање или олеснување.
