Државното обвинителство денеска информира дека во текот на ноќта и утринава од Основното јавно обвинителство од Гостивар се издадени повеќе наредби со цел откривање на сторителите кои вчера извршија грабеж во златара во близина на Малиот пазар во Гостивар.
Разбојништвото се случи вчера попладне, а според информациите, било ограбено 18 килограми злато во вредност од 1,8 милиони евра.
Четворица маскирани сторители со автоматско оружје го извршиле разбојништвото, по што побегнале со патничко моторно возило „БМВ“ без регистарски таблички. Џипот што бил користен при грабежот е пронајден запален на патот кон планинскиот превој Стража.
