Импресивни фрески, импозантен иконостас, светол мермерен под и огромен кристален лустер. Сето тоа со златни детали. Вака изгледа внатрешноста на црквата Свети Констатнин и Елена. Алфа ексклузивно влезе внатре на неколку дена пред нејзиното осветување кое е зкажано за недела. Со него ќе чиноначалствува поглаварот на МПЦ-ОА, г.г. Стефан.
Свети Константин и Елена ќе биде втора по големина црква во Скопје, единствено зад Соборниот храм. Во неа ќе може да се извршуваат и венчавки и крштевки, како и сите останати верски обреди.
Црквата „Св. Константин и Елена“ почна да се гради во ноември 2012, кога ВМРО-ДПМНЕ беа владејачка партија. Инвеститори се МПЦ-ОА и Фондацијата „Св. Цар Константин“, што беше формирана од МПЦ за нејзината изградба.
Изведувач на градежните работи е градежната компанија Бетон, а тогашната Влада предводена од ВМРО-ДПМНЕ даде огромна поддршка и организираше три донаторски конференции со македонски компании за собирање пари за доизградба на храмот.
Во 2013-та година по доаѓањето на новиот градоначалник во општина Центар, Андреј Жерновски поддржан од тогаш владејачката партија СДСМ, изградбата на храмот беше стопирана. Тогашната власт тврдеше дека изградбата на црквата нема спроведена соодветна документација односно дека е дивоградба. Во тој период граѓаните револтирани излегоа и на протести за заштита на храмот.
Црквата не беше урната ама не се ни продолжи со нејзината изградба, сега по точно 13 години ќе стане еден од новите симболи на Скопје.
Давид Крстевски
