Во моментов во Македонија има дури 66 регистрирани политички партии, и една е во процес на регистрација, и сите до една имаат право да учествуваат на престојните локални избори.
Партијата која е во процес на регистрација е таа на Зелен Хуман Град и Зелените од Гази Баба, Шанса за Центар и независните за Карпош, кои веќе имаат свои претставници во советите, но за овие избори решија да формираат партии откако не беа донесени измени на Изборниот законик во однос на собирањето потписи за независните кандидати, како што се посочува во законот.
Како што е познато, Уставниот суд неодамна укина два членa од Изборниот законик кои се однесуваа на прагoт, односно колку потписи требаа да соберат независните кандидати. Тоа создаде своеобразен правен вакуум, затоа што сега не постои член според кој се предвидува колку потписи се потребни.
Според Државната изборна комисија, доколку не се изгласaат измени на Изборниот законик наскоро, независните најверојатно на изборите ќе можат да се кандидираат без ниту еден потпис.
