Локалните избори ќе бидат распишани најдоцна оваа сабота. Од Собранието информираат дека сѐ уште нема конечна одлука и дека ќе се распишат на 8-ми или 9-ти август.
„Очекувам фер и демократски избори, достоинствена кампања, политичка култура, натпревар со идеи и визија и посветеност кон граѓаните“, вели за Алфа, претседателот на Собранието Африм Гаши.
Првиот круг од локалните избори најверојатно ќе се одржи на 19 октомври, а вториот круг би требало да се одржи на 2 ноември.
Партиите објавија најголем дел од кандидатите за градоначалници… Скопје, Струмица, Центар, Карпош, Струга и секако Чаир – ова се главните фронтови каде се очекува да се води најжестока битка на претстојните избори. Во меѓувреме, граѓанските иницијативи почнаа да собираат потписи за формирање партии.
