🎥 Манасиевски: Ралев, да каже, прифаќа ли да биде губитнички кандидат за градоначалник на СДСМ за Скопје и дали чека Филипче да го избере

Вчера Венко Филипче призна дека нема кандидат за градоначалник за Град Скопје, рече на денешната прес-конференција Валентин Манасиевски од ВМРО-ДПМНЕ.

Филипче призна дека никој не сака да биде кандидат на СДСМ за Скопје, а излажа дека одлучува помеѓу неколку имиња, меѓу кои и архитектот Мишко Ралев и бившата министерка на Заев, Каја Шукова. Филипче глуми дека одлучува или бира помеѓу некого. Оттука го повикуваме Мишко Ралев, да каже дали прифаќа да биде губитнички кандидат за градоначалник на СДСМ за Скопје. Дали Ралев чека Филипче да го избере, т.е. да се одлучи дали тој е доволно добар да трча за Скопје? Сите знаат дека Филипче нема кандидат, ниту некој ќе му се нафати, единствено кој може да прифати и да му биде кандидат е некој од шинелот на Заев, како Каја Шукова или нејзе слични, кои немаат избор дали прифаќаат или не да губат, во името на Заев и Венко, тие мораат. И Венко Филипче и сите во СДСМ, знаат колкав ќе биде поразот нивен во октомври. Разликата во корист на ВМРО-ДПМНЕ и Орце Ѓорѓиевски е огромна, толку голема што ќе значи убедлива победа уште во првиот круг, истакна Манасиевски.

Како тргнало, ќе треба Венко сам да се кандидира, додаде Манасиевски.