Недозволиво е, во правен систем, да се појави случај како со судијата Елведин Ферати од Тетово, кој сам си ги поправал оценките. Министерот за правда, Игор Филков, вели дека не смее да коментира пресуда, но гласот на јавноста е доволно силен и го повика Судскиот совет да реагира. Инаку, вчера, во тетовскиот суд, Менсур Пајазити, кој во септември ја прегази 22-годишната Теодора, доби две годишна казна затвор. Ова предизвика бура реакции во јавноста, особено затоа што 44-годишниот Пајазити во 2023-та, за истото дело, беше осуден на три и пол години казна затвор.
