Во клиниките во Скопје се лекуваат 39 пациенти кои беа повредени во трагичниот пожар во Кочани. Од нив, 12 се сместени во Клиничкиот центар, 10 во стара Градска болница, 10 во болницата „8-ми Септември“, а 7 се во приватни клиники.
„Добрата вест е што денеска 12 пациенти се испишуваат, така што во Скопје ќе останат 27 пациенти на лекување. Во странство се лекуваат 115 пациенти. Добра вест е што еден пациент денес се враќа од Белград и ќе продолжи со лекување во Скопје. Пациентот е во стабилна состојба, ќе биде подложен на тријажа и ќе биде сместен во клиника“, изјави министерот Таравари.
Министерот информираше дека состојбата на 4-5 пациенти кои се лекуваат во странство е лоша. Иако има и влошување на некои од нив, лекарите вложуваат максимум за да им помогнат и да го надминат овој тежок период.
