Министерот за транспорт, Александар Николоски, на прес-конференција најави дека во тек е контрола на сите издадени лиценци согласно Законот за градење и Законот за урбанистичко планирање.
Според досега извршените проверки, од вкупно издадените над 1100 лиценци, проверени се 643 лиценци. Кај 97 од нив, утврдено е дека правните лица престанале да ги исполнуваат законските услови поради што ќе бидат донесени решенија за одземање на лиценците.
Според бројките, одземени се следните лиценци:
- 13 правни лица ја загубиле лиценцата А за изведувач на градби од прва категорија
- 34 правни лица ја загубиле лиценцата Б за изведувач на градби од втора категорија
- 2 правни лица ја загубиле лиценцата А за надзор над изградбата на градби од прва категорија
- 6 правни лица ја загубиле лиценцата Б за надзор над изградбата на градби од втора категорија
- 3 правни лица ја загубиле лиценцата А за проектирање на градби од прва категорија
- 20 правни лица ја загубиле лиценцата Б за проектирање на градби од втора категорија
- 2 правни лица ја загубиле лиценцата Б за ревизија на проектна документација на градби од втора категорија
- 1 правно лице ја загубило лиценцата за управител за одржување на објекти од прва и втора категорија
- 16 правни лица ја загубиле лиценцата за изработка на урбанистички планови
Министерот Николоски исто така најави и законски измени кои ќе придонесат за подобрување на процесот на лиценцирање.
