„Општинските инспектори се веќе на терен и вршат контрола на сите објекти од јавен карактер, како угостителски, културни и други“. Претседателот на ЗЕЛС и градоначалник на Општина Кисела Вода, Орце Ѓорѓиевски, потврди дека седницата на Управниот одбор на ЗЕЛС е закажана за понеделник во 12 часот. На оваа седница ќе се дискутираат различни теми, вклучувајќи и заедничката поддршка помеѓу општините во разни области. Претставниците на локалните самоуправи ќе разговараат и за активностите кои се спроведуваат во координација со сите релевантни централни институции.
„Општинските инспекторати се веќе на терен во сите општини, вклучително и во Кисела Вода, и се утврдуваат фактичките состојби. Податоците од спроведените контроли ќе бидат објавени наскоро. Ѓорѓиевски истакна дека нема да има отстапки и прогледување низ прсти, нагласувајќи дека контролата се спроведува и на колективните станбени единици.“
