Цели 9 години охридската болница за кардиоваскуларни заболувања во која годишно се вршат над 2000 интервенции и каде се лекуваат најтешките пациенти од целиот регион, чека да се префрли во новиот болнички блок во Специјалната болница “Свети Еразмо”.Изградбата на новиот објект запре во 2017-та година и не се знае кога и дали воопшто ќе продолжи.Министрите за здравство,сите редум кој како доаѓаше ветуваше дека објектот наскоро ќе биде пуштен во употреба,но и по 7 години тоа не се случи.
“Закочувањето на градежните активности во тој објект и тоа како се одрази на развојот на оваа установа, а пак заостанувањето на развојот на оваа установа се одразува на здравјето на пациетите.Колку што сум јас запознаен постои судски спор помеѓу изведувачите на градежни активности и министерството за здравство како нарачател на тие градежни активности”-вели др.Никола Бакрачески
Инвестицијата тешка 3,5 милиони евра првично требаше да биде реализирана до април 2017-та.Во 2018, тогаш актуелниот министер Венко Филипче даде нов рок за завршување на објектот, септември 2019. Потоа Белим Сали во 2022-ра уверуваше дека на почетокот од 2023-та пациентите со срцеви заболувања ќе се сместат во новиот болнички блок во Свети Еразмо,и оти се работел за мал застој кој сеуште трае.
Тука имаше еден мал застој кој што за жал трае со години за 5 % од целиот проект е стопирано завршувањето и техничкото примопредавање на објектот.”- Беким Сали-министер за здравство ( 26.09.2022)”
Од министерството за здравство не се одважија да ни одговорат на прашањата што се случува со новиот болнички блок, дали воопшто ќе биде пуштен во употреба ?
Дознаваме дека изведувачот, градежната компанија „ВИА“ од Вевчани, на 31-ви октомври 2017-та целосно ги прекинал работите на објектот кој е готов 80%, бидејќи се’ уште не се ослободени старите операциони сали кои треба да се урнат за тој да може целосно да биде завршен.
Росица Голабоска
