Љупчо Николоски се заплетката во контролата на летање. Наместо конкретни одговори како членови од неговото семејство биле вработени во М-НАВ, тој нервозно и видно вознемирен влезе во отворена кавга со новинарите, а индиректно и со премиерот. Нервозно рече дека не го интересил ставот на неговиот шеф.
Министерот за земјоделство ги искара медиумите дека не ги интересирале наводните успешни проекти во неговиот ресор туку се занимавале со тоа како неговите чичко и братучед се нашле на платните списоци на државната компанија.
Николоски се правда дека неговиот братучед бил многу квалификуван, студирал во Јапонија, но не кажува зошто тогаш пет години останал помошник контролор.
Инаку Алфа дознава дека Стефан Николоски влегол во М-НАВ откако неговиот прв братуџет, Љупчо Николски, стана министер во Владата, но оттогаш не напредувал во самостоен контролор зашто не можел да ги дозаврши обуките.
Таткото на Стефан односно чичкото на Љупчо пак таму работел над 40 години, министерот вели уште пред да биде роден тој.
Премиерот прв проговори за семејни стебла во една од најплатените државни компании во обид да го оцрни синдикатот, но аферата излезе многу поголема, па сега неговиот министер вели дека не го интересирал ставот на Димитар Ковачевски.
Премиерот, пак, сега вели дека не бил портпарол на неговите министри, збунето порача дека тие требало да си одговорат за вработувањата на нивните роднини.
Имено, упадот во контолната кула на М-НАВ беше кулиминација на повеќемесчни превирања во државната компанија. Синдикатот се противеше на нови вработувања на, според нив, нестручни и партиски кадри, во најголем дел преку ДУИ.
