Загадениот воздух не го одминува ниту ветровиот Штип. Изминативе три дена зголемена кокнцентрација на ПМ честичките регистрира универзитетската лабараторија Амбикон.Наместо дозволените 50, измерени се од 70 до 100 микрограми на метар кубен. Причина за тоа се временските услови, односно серијата денови без ветер, која не е карактеристична за градот. Сепак според експертите, Штип е еден од ретките градови, каде според бројот на денови, граѓаните се уште дишат чист воздух.
„Ако ја погледнеме целата година бидејќи сме на крајот од оваа година, просечните концентрации и бројот на денови коишто надминуваат, мислам дека денес се 28, а бидејќи имаме уште неколку денови , не верувам дека ќе надминеме или се надевам дека нема да ги надминеме дозволените 35дена. Така да, ако во Штип треба да го отцениме квалитетот на воздух, генеерално има квалитет во пропишаните граници„ изјави проф.Дејан Мираковски.
Анализите направени во универзитетската лабараторија укажуваат дека просечните годишни концентрации од 2019 до денеска иако многу бавно, сепак се намалуваат. Мираковски препорачува, полека да се менува стилот на живеење, но и начинот на греење
„За жал многу споро се менуваат работите, сепак во Македонија се намалуват просечните годишни концентрации. Од 2012 имаме таква тенденција. Тоа е од повеќе причини и од притисокот врз индустријата, но и од замената на начините на греење на домаќинствата. Тој процес доколку сакаме побрзо ефекти, мора да биде многу поинтензивен и да се овозможи замена и на системите за греење во јавните објекти, но и на домаќинствата„ изјави Мираковски.
Неколку години наназад Скопје е во топ десетте најзагадени градови во светот. Но воздух со висока концентрација на ПМ честички дишат и струмичани и кичевчани, кадешто поради надминатите прагови на аерозагадување, Министерството за животна средина воведе мерки и препораки.
Александра Ристевска
