Силен дожд со град попладнево околу 14 часот го зафати Велес, при што Велешките главни и споредни улици во ниските делови од градот беа поплавени со вода. Автомобили заглави во вода, отежнат сообраќај, хаос по велешките улици и домови , ваква беше сликата во велешко за која сведочат фотографиите по појониот дожд проследен со грмотевици.
Од Центарот за справување со кризи информираа дека засега нема пријавено штети од невремето.
Невремето со пороен дожд и град го зафати и Гостивар, кое предизвика краткотрајни проблеми во сообраќајот на одредени локации и поплавување на семејни домови. Најмногу пријави за штети стигнаа од јужниот дел на општината, од населбите Бањешница, Циглана и селото Беловиште. До поплавувањата дошло од надојдената вода во еден канал за наводнување.
Според информациите од Центарот за управување со кризи на бројот за за итни повици биле примени повеќе пријави за поплавување на улици и куќи.
КАКО РЕЗУЛТАТ НА ПОРОЈНИОТ ДОЖД КОЈ ГО ЗАФАТИ ПОДРАЧЈЕТО НА ОПШТИНА ГОСТИВАР, ЕДЕНА УЛИЦА ВО НАСЕЛБАТА БАЊЕШНИЦА Е ПОПЛАВЕНА ДО ВОДА КОЈА СЕ СЛЕАЛА ОД КАНАЛОТ ЗА НАВОДНУВАЊЕ. ВОДА НАВЛЕГЛА ВО ШЕСТ КУЌИ И ДВОРОВИ ВО С.БЕЛОВИШТЕ, А ЕДЕН ЛОКАЛЕН ПАТ НЕ БИЛ ВО УПОТРЕБА ЗАРАДИ ВИСОКОТО НИВО НА ВОДА КОЈА ТЕЧЕЛА ПО НЕГО. ЖИТЕЛИ ОД ЦИГЛАНА, ОПШТИНА ГОСТИВАР, ПРЕДУПРЕДИЛЕ ДЕКА ПОСТОИ ОПАСНОСТ ОД ПОПЛАВУВАЊЕ НА КУЌИ ВО ОВОЈ ДЕЛ НА ГРАДОТ, НО ШТЕТИ НЕ СЕ ПРИЈАВЕНИ. ПОПЛАВУВАЊЕ НА ДВЕ КУЌИ СО ПОДРУМИ И ПОМОШНИ ОБЈЕКТИ СЕ ПРИЈАВЕНИ НА УШТЕ ДВЕ ЛОКАЦИИ, СООПШТУВААТ ОД ЦУК.
Посочуваат дека за санирање на штетите и испумпување на водата попладнево на терен се и припадници на Противпожарната единица.
