Физичкото здравје, спортот, енергијата и здравите навики кај младите беа во прв план. Децата од сите основни училишта во Скопје заедно истрчаа маратон на кој нема победник, со цел секој ученик да ги помести сопствените граници и да го даде најдоброто од себе, заедно со своите пријатели.
Маратонот во крос-трчање го симболизира заедничкиот, но и индивидуалниот пат што младите треба да го изодат за да се изградат како личности, при што секој нивни чекор претставува нов успех. Со оваа порака, Националната агенција за европски образовни програми и мобилност го одбележа завршувањето на Еразмус-неделата.
