За секој буџет, па и за овој, најважно прашање е „каде одат парите?“. Со ребалансот на државната каса, одговорот е јасен: во патишта, во железници, водоводи, училишта и уште многу други проекти кои ќе бидат додадена вредност за Македонија. Капиталните инвестиции растат за 5,8 милијарди денари, односно, вкупно 45,9 милијарди денари. Тоа се 14,5% повеќе за оваа намена, односно во секое министерство, во сите сектори на државата има повеќе за капитални проекти – изјави денеска на прес-конференција пратеничката Биљана Кузманоска од ВМРО-ДПМНЕ.
Продолжува изградбата на Коридорот 8 и Коридорот 10-д, на автопат Кичево – Букојчани, автопатот Кичево – Охрид, проширување на автопатот Тетово – Гостивар, па Гостивар – Букојчани, Прилеп – Битола и автопатот од Скопје до Блаце.
Продолжува изградбата на источниот дел од железничкиот Коридор 8, од Бељаковце до Крива Паланка, а со реализација започнува и заедничкиот железнички граничен премин Табановце, со соседна Србија.
Пари има за изградба и реконструкција на основни и средни училишта, детски градинки, нови спортски и училишни сали, како и студентски и ученички домови.
Има за хидросистеми и откупно-дистрибутивни центри, за нови капацитети на затворот во Идризово, како и многу други проекти.
Ова се пари кои ќе значат регионален развој. Финансиска подршка за нови инфраструктурни проекти во општините. Развој кој ќе стигне до секој еден граѓанин.
Зборуваме за цели 4,1% од бруто-домашниот производ. Зборуваме за развоен и домаќински буџет.
Овие бројки не се само очигледен чекор напред, овие бројки се отскок за државата. Отскок кон развој, отскок кон современа и модерна Македонија.
Прес-конференција на пратеничката Биљана Кузманоска од ВМРО-ДПМНЕ
Пратеничка група на ВМРО-ДПМНЕ
