Секој производ, секоја цена под лупа на инспекторите. Се проверуваат над 600 артикли за да се утврди дали маркетите незакоснки ги поскапуваат. Министрот за економија вели дека Владата постојано презема мерки за заштита на стандардот на граѓаните и нема да дозволи изигрување на правилата.
„Ќе се анализира фактура по фактура, секоја цена. Зависи од работата на Пазарната инспекција, но претпоставувам дека за еден месец ќе биде завршена. За поконкретно треба да видиме, откога ќе почнат тие контроли, колкав е обемот на работа за контрола на една или две фактури па на крај да ја известиме јавноста кој е тој датум или колку време ќе треба за контрола“, изјави Бесар Дурмиши, министерот за економија.
Бесар Дурмиши во отчетот за сработеното во изминативе две години, меѓу другото, истакна и се обезбедени околу 20 милиони евра за финансикса поддршка на инвестициите, а дека со мерките за самовработување биле опфатени над 10 илјади луѓе кои добиле вкупна поддршка од речиси 40 милиони евра.
„Особено висок степен на реализација имаат мерките за самовработување, практиканство, преквалификација ии поддршка на нови работни места. Еден од најзначајните резултати е успешната имплементација на гаранцијата за млади. Во овој период 26.636 млади луѓе излегоа од статусот на невработени, преку вработување, образование или активни мерки.“, изјави Дурмиши.
Мапирани се 100 административни постапки кои постепено ќе бидат поедноставени и скратени, со цел да се олеснат процедурите за граѓаните и компаниите кои воедно се дел и од реформската агенда. Продолжува и усогласувањето со европското законодавство, со фокус на развојот на малите и средните претпријатија, подобрување на конкурентноста и создавање услови за одржлив и стабилен економски раст.
