Ниски плати, лоши услови, се повеќе карти во еден правец –Јавното здравство тоне. Здравствените работници се се повеќе демотивирани, а најмногу од односот на државата кон здравството и кон нив, единствен излез гледаат само надвор од Македонија. Ветувањата за подобри услови и повисоки плати не им се исполнети, голем дел од договорците не добија нов договор, специјализантите на улица се борат за плата и придонеси, а од друга страна не се вложува ниту во инфраструктура ниту во апаратура- со ваков третман се бркаат здравствените работници од Македонија, а пациентите остануваат без потребните услуги.
Немаме континуитет, се сменија министри, се прават експерименти, ветувањата дека ќе има плата од 100 илјади денари , ќе бидат решени проблемите, нема ништо од тоа. Од друга страна здравството тоне, ќе дојде до затворање на здравствени установи немаме нови инфраструктирни објетки, апаратурата застарува, по мои проценки, за неколку месеци ако се продолжи со ова темпо ќе дојде до затворање на кабинети, вели Боби Бојчевски од независен синдикат на здравствени работници
Недостиг на специјалисти има низ цела држава, па граѓаните се дури приморани да одат во блиските соседни држави за одредена услуга. Оние работници кои останале тука се заради љубов кон професијата оти платите кои ги земаат не само здравствените работници туку и административниот персонал не се доволни во однос на обемот на работата.
Луѓето остануваат тука од што ја сакаат работата, вели Бојчевски.
Третманот кон здравството во Македонија беше причина за низа протести од страна на здравствените работници речиси цела година, а во последниот период, речиси цел сектор се крена „на нозе“ .Проблеми имаше со исплатата на минималецот кој дел од работници го добија по стара формула, специјализантите добија само ветување дека „ ќе “ се разгледува нивниот проблем и ќе го продолжат штрајкот по изборите, а се поништија и распишаните конкурси за трајно вработување на договорците.
