Денешната прес-конференција на Венко Филипче е доказ за конфузијата и хаосот кој владее во СДСM. Веројатно ниту Венко Филипче не знае зошто држеше прес со милион теми а ништо конкретно и суштински. СДСM е во паника и хаос поради стравот од избори и нивен пораз затоа го блокираат Изборниот законик обединети со ЛЕВИЦА И ДУИ – се посочува во реакцијата на ВМРО-ДПМНЕ.
Венко Филипче зборува за реформи а не може ниту сопствената партија да ја реформира.
Ако Венко сега бара експертска група за Изборен законик зошто преговараше за истиот 4 месеци во Собранието. Како сега се сети дека му требаат експерти.
Филипче е контрадикторен, од една страна вели треба во ЕУ час поскоро, а го кочи новиот Изборен законик кој е директива од ЕУ.
Филипче нема ниту визија, ниту план за сопствената партија а уште помалку за државата, доказ за безидејноста и конфузијата која владее во СДСM е денешната прес-конференција на Венко Филипче.
