Политичкиот театар на СДСМ, Левица и ДУИ е разобличен, се докажа дека немаат никаква намера да се договорат за нов Изборен законик и дека свесно го блокираат, наведува ВМРО-ДПМНЕ во соопштение.
Пред очите на целокупната јавност излезе вистината дека СДСМ, Левица и ДУИ се координирани и имаат една единствена цел, а тоа е да не се донесе нов Изборен законик.
Лошиот политички театар на СДСМ, ДУИ, и Левица е разоткриен. Едните јавно повикуваа на разговори, другите демонстративно ги одбиваа, а во суштина сите работат за ист исход, да нема договор.
Тоа е добро осмислено сценарио на СДСМ, Левица и ДУИ, а не политичко несогласување.
СДСМ, Левица и ДУИ немаат интерес да се усвојат современи изборни правила, ниту да се олесни гласањето на македонската дијаспора. Наместо реформи, тие избираат блокади, калкулации и политички пресметки.
Причината е јасна, а тоа е подготовка на сопствено алиби за следниот изборен циклус.
Едните ќе се повикуваат на препораките на ОБСЕ и ОДИХР, другите ќе зборуваат за условите за изборна кампања, а третите ќе тврдат дека не била почитувана волјата на граѓаните. Тоа се изговорите што однапред ги подготвуваат затоа што немаат аргументи.
