Здружението на судии инсистира на спроведување темелна, прецизна и транспарентна истрага за случајот со Ѓоко Ристов.
Оттаму велат дека истражувањето на овој случај не смее да биде селективно и мора да се спроведе со целосна почит кон законските процедури.
„Во случај на докажана корупција, Здружението на судии јасно и недвосмислено се оградува од секој корумпиран судија или носител на судска функција кој со своето незаконско постапување го нарушува угледот и интегритетот на судскиот систем. Таквите појави не смеат и не треба да се поврзуваат со судиите кои чесно, професионално и одговорно ја извршуваат својата функција, а кои претставуваат огромно мнозинство во судството“ се наведува, меѓу другото, во соопштението од здружението на судии.
