СДСМ да не користи трагедии, како во минатото, за добивање политички поени, порачуваат од ВМРО-ДПМНЕ. Истата партија – СДСМ, потсетуваат од владејачката партија, обично кога е во опозиција ги користи трагедиите исклучиво за собирање политички поени, а не за да покаже емпатија. Трагедиите со Нешковски, малата Тамара, Диво Насеље, Смилковско Езеро и многу други – велат од ВМРО-ДПМНЕ – се случаи за кои СДСМ, пред да дојде на власт со Заев и Филипче, ветуваше правда и велеше дека ќе обелодени некаква вистина која била криена за овие трагедии.
СДСМ со Заев и Филипче, кога дојдоа на власт, заборавија на сè, како да имаат амнезија, се вели во соопштението од ВМРО-ДПМНЕ.
