Андреј Жерновски, човекот кој не избламира пред земја-членка на ЕУ и никогаш не стана амбасадор, не може да зборува за дипломатија – реагираа од владејачката ВМРО-ДПМНЕ.
„Жерновски, кој седеше со месеци во Букурешт без да предаде акредитивни писма, слуга на Заев, не може да кажува како треба да се работи. Жерновски е уште еден потрчко на патлиџан-дипломатијата на Заев, кои ја сфатија дипломатијата како: ‘Бојко љубави, имаш поздрави од Зоки’. Жерновски глуми дипломат, а всушност се работи за човек кој е следбеник на дипломатијата ‘еден народ, две држави’“, велат од ВМРО-ДПМНЕ.
Во соопштението додаваат и дека, според нив, за дипломатските неуспеси виновна е СДСМ, а не ВМРО-ДПМНЕ.
