Судиите не се откажуваат – зголемувањето на нивните плати било дел од европската реформска агенда

Судиите не се откажуваат од зголемувањето на своите плати. Повисоките доходи биле еден од многуте сегменти што Македонија ги прифатила во рамки на европските реформи, вели првиот човек на Судскиот совет, Александар Камбовски.

Според него, премиерот во последните неколку изгласани измени покажал волја за промена на законите, со што би се обезбедила финансиска независност на судската власт. Камбовски очекува дијалог со кој ќе се решаваат сите суштински несогласувања.