„По фалења со фотографии од Германија, од Франција, од Индонезија од островот Бали и Тајланд, по лажните слики за проекти од Шпанија и нечиј гасовод, на ред дојде и базен од Јужноафричка Република!“ – велат од ВМРО-ДПМНЕ
Во продолжение интегрален текст од целата прес конференција:
Фејсбук и Гугл не влегоа во Македонија, ама пак затоа забеганото СДСМ влезе на Фејсбук и Гугл! Со една цел- Крадење на фотографии за свои непостоечки проекти!
Дарко Каевски од агенцијата за млади и спорт и Бочварски градоначалникот на Штип сега се фалат со- фотографии од- внимавајте од Јужноафричка Република!
Базенот од приватно училиште во Јоханесбург, одеднаш станува базен во Штип! И со тоа се фалат, не еден туку двајца функционери од забеганото СДСМ – и Каевски и Бочварски!
Почитувани,
По фалења со фотографии од Германија, од Франција, од Индонезија од островот Бали и Тајланд, по лажните слики за проекти од Шпанија и нечиј гасовод, на ред дојде и базен од Јужноафричка Република!
Ете тоа е забеганото и аздисано СДСМ, тоа е Зоран Заев- немаат со што да се пофалат на крај на нивниот мандат- па крадат фотографии од странство, прикажувајќи ги како свои капитални проекти!
За потсетување минатата недела Зоран Заев се фалеше со фотографии од Гугл за пречистителни станици и за водовод и канализација со крадени интернет фотографии од Шпанија и нечиј странски гасовод.
Сега неговите пулени Каевски и Бочварски вадат интернет фотографии прават флаери со фотографии од базен од Јоханесбург, како проект во Штип! Ова е класична измама, ова е класична лажна вест , класични лажни вести продуцирани од забеганото и аздисаното СДСМ!
Ќе го цитирам Дарко Каевски вели „-Штип добива современ затворен пливачки базен“ и фотографија од Јужноафричка Република.
Лажната нормалност премина во лажна реалност. Прават лажни, потемкини села, со крадени фотографии од интернет . Одамна се разминаа со вистината, ама сега целосно се разделија со реалноста!
Почитувани, пред вас е изборот меѓу Обновата која што ќе ја донесе ВМРО-ДПМНЕ и измамата која што ја живееме со Зоран Заев и со СДСМ . Македонија не заборава. Народот ќе ја направи разликата!
