Минималните температури утрово во земјава се движеа од 0 до 6 степени. Најстудено беше во Берово, Маврови Анови, Попова Шапка, Битола, Струмица, Демир Капија и Претор со измерени 0 степени. Еден степен е измерен во Гевгелија и Охрид, 3 во Скопје-Петровец, Велес, Прилеп, Крива Паланка, Кавадарци и Штип, 4 во Тетово и Крушево, 5 во Скопје-Зајчев Рид и Куманово, додека 6 степени се измерени во Виница, соопшти Управата за хидрометеоролошки работи.
На Попова Шапка е измерена снежна покривка од 74 сантиметри.
Времето денеска ќе биде сончево со мала до умерена облачност. Ќе дува слаб до умерен ветер од северен правец, а максималната температура ќе се движи во интервал од 14 до 20 степени.
Во Скопје ќе преовладува сончево време со мала до умерена облачност и слаб северен ветер, а дневната температура ќе достигне до 19 степени.
