Сè уште е активен пожарот над Кочани. Над триесетина пожарникари, вработени во Национални шуми и членови на противпожарните друштва од Кочани и Виница, се на терен.
Командирот на кочанската противпожарна служба, Драган Апостолов, за „Алфа“ вели дека за кратко време огнот ќе биде ставен под контрола.
Засега нема најава за гасење од небо, но тоа не значи дека така ќе остане и до крајот на денот – сè ќе зависи од интензитетот на пламените јазици.
Во текот на вчерашниот ден, огнот се гасеше и од воздух. Полицискиот хеликоптер, кој беше вклучен во акцијата, направил над 15 налети.
Со координирана акција од небо и земја, од пожар е спасен манастирот во „Кочански Дол“.
