Американскиот државен секретар Марко Рубио најави средба со данските претставници следната недела на која треба да се разговара за Гренланд. Тој одби да даде коментар на новинарите кога беше прашан дали ова значи дека воената акција е исклучена. Точната локација и датумот на состанокот се уште не се познати. Претходно, Данска и Гренланд побараа средба со државниот секретар на САД. Гренландскиот премиер Јенс-Фредерик Нилсен изјави дека е презаситен од комуникацијата со САД што се одвива преку медиумите. „Секако дека ќе учествуваме. Ние сме тие што побаравме состанок“, изјави Вивијан Моцфелд, министерка за надворешни работи на данскиот автономен регион. Таа се надева дека состанокот ќе доведе до „нормализација“ на односите со САД.
