Претседателот на парламентот на Бугарија Росен Желјазков е во работна посета на земјава.
Посетата е од работен карактер а домаќин на истата е претседателот на македонското Собрание Талат Џафери. Џафери и Желјазков ќе ја отворат изложбата „Сребрена Тракија“ во Археолошкиот музеј во рамки на која ќе бидат претставени 1700 експонати од 18 бугарски национални, регионални и општински музеи. Изложбата е организирана од Националниот археолошки институт со музеј при бугарската академија.
Инаку како што објавуваат бугарските медиуми, бугарскиот собраниски претседател ќе ја посети и црквата „Свети Спас“ и ќе положи цвеќе пред моштите на Гоце Делчев. Посетата на Желјазков е прва посета на висок бугарски функционер по подолго време.
Денеска и утре во Скопје за централното градско подрачје ќе важи посебен сообраќаен режим поради посетата на Желјазков.
