Надежта не ги напушта болните од цистична фиброза.Тие и понатаму се надеваат дека лекот “Трикафта” ќе го добијат сите кои се борат со оваа ретка болест.Пациентите од врвот на Водно упатија порака до надлежните, да нема поделби за кој ќе има лек а за кој не, туку, терапија да се обезбеди за сите, од намал до најстар.
И родителите кои имаат деца со оваа болест, упатија апел до власта, Трикафта да има за сите.
За лек молат и родителите кои имаат деца, а не им одговара “Трикафта”.Туку за лекување на болеста им е потребна друга терапија.
Болните од цистична фиброза со месеци бараат од државата да го обезбеди лекот кој ќе им го промени животот.. Најновото ветување од Владата е дека се обезбедени пари во предлог-буџетот за 2024 година. Со тоа што за идната година ќе бидат има околу 12 милиони евра за лекот „Трикафта“. Сумата сѐ уште е далеку од потребните над 30 милиони евра, кои според пресметките, се потребни за да се набави лекот за сите пациенти во земјава, кои се околу 130 на број.
