Почитувани. СДСM беше сојузник на криминалот на Груби, затоа денеска толку силно го бранат. Откако се излетаа со различни тези, соопштенија и прес-конференции, од СДСM не поставија ниту едно пратеничко прашање кон претставниците на Владата за Артан Груби. Дури имаат и страв кога ќе се спомне името на Артан Груби, па избегаа од собраниската сала.
Филипче, Заев, Спасовски, Зечевиќ и останатиот дел поранешни функционери на СДСM, се фатени во голема паника и хистерија од можните искази во обвинителството на Артан Груби. Во СДСM се свесни што се може да каже Груби, па затоа и го бранат неговиот криминал. Толку ги немаат брането дури ни криминалите на Заев и Филипче.
Во превод, ако Груби прозбори, голем дел од поранешните функционери на СДСM, ќе треба да седнат на обвинителна клупа. Затоа го повикуваме ЈО, сите индиции и сомнежи кои сме ги пренесувале во јавноста да ги истражи. На крајот, СДСM сами ќе си пресудат.
