Насилниците остануваат неказнети. Семејното насилство се повторува исто како што се повторува судската практика на неказнивост на насилниците. Од вкупно 66 предмети кои ги следеле од Здружението за еманципација, солидарност и еднаквост на жените, во периодот 2019 -2020 за само 10 предмети е изречена казна затвор. Условна осуда е изречена во 43 предмети. Судот донел и три ослободителни и 9 одбивателни пресуди.
-Загрижува тоа што и наспроти предвидената построга политика, во пракса се применува многу поблага казнена политика од страна на основните кривични судови. И во најголем број случаи станува збор за условни пресуди, појаснува Стојан Мишев од ЕСЕ.
Затворски казни се предвидени за сите кривични дела поврзани со семејно насилство, псхичко, физичко и сексуално. Но неказнивоста според познавачите, речиси секогаш доведува до повторување на делото, па дури и до смртни последици.
-Семејното насилство кај нас за жал се повторува треба да постојат поригорозни мерки за низвно казнување и најмногу од се изрекувањето на казните, бидејќи при кривични дела при вршење на семејно насилство како што е телесната повреда се изрекуваат условни осуди и се случува и при повторување на делото да се изрекуваат условни осуди. Застрожувањето на казните би довело до влијание дека би требало истото да се намали. Но сепак институционалната работа со жрвите и со целокупниот процес за водење и казнување би требало да добие поголем акцент бидејќи сме сведоци дека во послдениот период имаше многу повторување на семејно насилство каде што имаше и жртви, појаснува адвокатот Катерина Котеска.
Котеска вели дека во нејзината пракса до сега има само една пресуда за ефективна затворска казна за сторител на физичко насилство. А сите останти пресуди дури и при повторување на делото биле со условни казни, кое според неа претствува благ третман на сторителите.
