Министерката Нина Ангеловска не дава пари за награда на полицајците и вработените во МВР. Се правда дека буџетот веќе бил скратен, односно од МВР, министерот Наќе Чулев се согласил да биде скратено од МВР, па оттука не можело сега да бара по 15.000 да им се даде на вработените во полицијата. За барањето на министерот Чулев на вработените во МВР лиенарно да им се исплатат пари како награда за заложбата и несебичната пожртвуваност и професионалност за време на корона кризата, Анѓеловска слушнала од медиумите. Денеска пресече, пари не дава, оти не само полицијата и други заслужувале награди вели таа.
-Јас верувам дека сите членови на Владата ги знаеме реалните можности и дека сите до еден и оваа Влада ќе се залагаат да ги награди сите кои заслужиле кога ќе ја имаме контролата врз вирусот – изјави Нина Анеловска министерка за финасии.
На одлката на Ангелеска стигна остра реакција од министерот за внатрешни Наќе Чулев.
„Изјава на Ангеловска е уште еден доказ за негрижата на Владата предводена од Оливер Спасовски за вработените во Министерството за внатрешни работи. Министерката Ангеловска денес го кажа тоа што во суштина го мисли Оливер Спасовски.Токму Оливер Спасовски во изминатиот период постојано потенцираше дека стандардот на полициските службеници е важен, но веројатно само кога тој е на чело на Министерството за внатрешни работи. Грижата за нив и за нивните плати заврши во моментот кога тој замина од Министерството за внатрешни работи. За Оливер Спасовски и министрите во Владата маргинален е фактот дека полициските службеници, деноноќно и неуморно застанаа во одбрана на здравјето на граѓаните на нашата држава“ – е ставот на Чулев.
Од буџетот на МВР се скратени околу 5 милиони евра и тоа по барање токму на Анѓелеска вели министерот за внатрешни Наќе Чулев. Министерот скратил пари од ставките „капитални расходи“ и „стоки и услуги“ за намалувањето на буџетот да има најмал негативен ефект врз вработените во полицијата.
Катерина Гетева
