Кандидати на СДСM за градоначалници се фатени во непотизам, криминал и корупција, од купување на гласови до вработување на сопруги, рече на денешната прес-конференција пратеникот Јане Мицевски.
Кандидатот за градоначалник на Струмица, Марјан Даскаловски е десната рака на Заев во изборната шема за купување на гласови во Струмуца во 2014 година. Дури и италијанскиот весник „Ла Верита“ пишуваше дека постои документација во обвинителството, која се состои од извадоци од снимени разговори од кои, како што се наведува, може да се заклучи дека Заеви, отворено зборувајќи на телефон, управуваат со развиена мрежа за купување гласови базирана на пари и уцени, со цел добивање на гласови, посебно од Ромите кои живеат во Струмица. Гласачите кои одлучиле да соработуваат биле плаќани, за секој глас поединечно, од 10 до 25 евра, во две менувачници раководени една од Вице Заев, а другата од Марјан Даскаловски со назив „Даскал“. Кој стои зад Марјан Даскаловски и каков човек е тој сега е повеќе од јасно. Истото е и со кандидатот за градоначалник на Куманово, Мартин Костовски, пратеник од СДСM, кој ги гласаше сите штетни договори на Заев и Ковачевски во Собранието. И додека извршуваше наредби на СДСM, Костовски си ја вработил сопругата во МНР тогаш управувано од Бујар Османи. И Даскаловски и Костовски се луѓе со длабоки корени во СДСM, со криминал, корупцијата и непотизмот. И Даскаловски и Костовски се луѓе кои докажале дека народот никогаш не им е на прво место, туку криминалците од врвот на СДСM, нивните теснопартиски интереси и нагонот на лично богатење, истакна Мицевски.
Со кандидати како Даскаловски и Костовски СДСM одат во сигурен пораз, додаде Мицевски.
