Скопје се соочи со сериозно загадување на воздухот, а градоначалникот Орце Ѓорѓиевски најави дека нема да има толеранција за правни лица кои го загрозуваат здравјето на граѓаните.
„Во изминатите два дена беа изречени казни на загадувачите, а инспекциските надзори продолжуваат поинтензивно. За здравјето нема компромис“, порача Ѓорѓиевски.
Тој истакна дека градот веќе објави и препораки за заштита од загадениот воздух и ја поздрави заложбата на Владата за проекти како субвенции за инвертер клими, прочистувачи во градинки, пошумување и гасификација.
