Стара облека – маици, фармерки, тренерки, јакни, па дури и обувки од сега ќе се фрлаат во текстилни контејнери, кои ќе бидат поставени на повеќе локации во општина Кисела Вода.Целта на оваа иницијатива е старата облека да не завршува на депонии, туку да се рециклира и повторно да се искористи. Овој еколошки исчекор – поставувањето триесет специјални контејнери за текстилен отпад – им овозможува на граѓаните правилно да ја одлагаат старата облека.
Градоначалничката вели дека во фуксот на нејзината работа е да се подигне свеста кај граѓаните и да се унапреди хигиената и чистотата на општината.
Граѓаните велат дека конечно ќе имаат соодветно место каде можат да ја остават старата облека, наместо да ја чуваат дома или да ја фрлаат во обичните контејнери.
Еден од клучните приоритети во изборната програма на Стаменкоска Трајкоска беше системското уредување и одржување на хигиената во Кисела Вода. Таа најави засилено чистење и миење на улиците и јавните површини, поставување дополнителни локации за отстранување отпад, како и организирање акции за расчистување диви депонии.
