По повод Светскиот ден на детето, денеска во хотелот Мериот во Скопје ќе се одржи Дипломатски хуманитарен базар под покровителство на амбасадорот на Република Австрија, Мартин Памер.
Средствата собрани на настанот ќе бидат наменети за подобрување на хигиенските услови во две основни училишта, за сите ученици, вклучително и децата со попреченост.
На базарот ќе учествуваат бројни амбасади, културни центри и институти кои ќе промовираат автентични производи, вкусови и традиции од своите земји. Меѓу нив се амбасадите на Австрија, Германија, Италија, Шпанија, Турција, Јапонија, Кина, како и Делегацијата на Европската Унија и Институтот Конфучие.
За најмладите посетители е подготвена детска музичка програма, а сите гости ќе можат да купат билети од 200 денари и да учествуваат во наградна игра каде ќе можете да се освои авионска карта за Истанбул со Turkish Airlines, престој во луксузна соба во хотел LIMAK со масажа и вечера со свеќи за двајца, 3D принтер, дизајнерски часовник од македонско-австриски бренд и многу други изненадувања.
Влезот е бесплатен, а организаторите упатуваат повик до граѓаните да се приклучат и да придонесат за создавање подобри услови за децата.
