Унијата на ЗМСТАС предводена од Здружението на медицински сестри, техничари, акушерки и стоматолошки сестри „ЗА НАС“, денеска ќе одржи прес-конференција по повод одржувањето на Првиот симпозиум на Друштвото на медицински сестри од психијатрија на тема: „Современ пристап во грижата и лекувањето на пациентите од областа на психијатријата“.
Свеченото отворање на симпозиумот ќе биде по одржувањето на прес-конференцијата, на која ќе се обратат претставници на Друштвото и на ЗМСТАС, кои ќе ја презентираат целта, значењето и очекуваните придобивки од симпозиумот, како и актуелните предизвици и насоки во психијатриската нега.
