Изречени се казни за компании кои незаконски договарале цени. Комисијата за заштита на конкуренцијата утврди дека четири трговски друштва кои се занимаваат со трговија на мало со прехранбени производи, како и Сојузот на стопански комори, како координатор, учествувале во забранет договор, кога на состанок на 5 февруари постигнале усогласен став за непримање нови или зголемени ценовници од добавувачите.
Со тоа, како што објаснува Комисијата, тие се координирале и ја ограничиле конкуренцијата, што е забрането. Компаниите се казнети со по 50 илјади евра, а Сојузот на стопански комори со 18 и пол илјади евра.
