Мисајловски оствари средба со потполковникот Шон Руфоло

Министерот за одбрана Владо Мисајловски денеска оствари средба со потполковникот Шон Руфоло, шеф на Канцеларијата за одбранбена соработка на САД, кој го завршува својот мандат во Македонија.

-Изразив благодарност за одличната соработка, поддршката и конкретниот придонес во градењето на стабилно и доверливо партнерство меѓу нашите одбранбени институции. Му посакувам успех во новите предизвици што следуваат, истакна Мисајловски.