Во Технолошко-индустриската развојна зона во Штип денеска ќе биде отворена фабриката на канадската компанија „Магна Мехатроникс“. Вредноста на инвестицијата се проценува на околу 50 милиони евра, а се очекува да се отворат 500 до 600 нови работни места. Инвестицијата ја најави премиерот Христијан Мицкоски во неделата, кој денеска ќе присуствува на отворањето на фабриката.
„Денес две добри вести! Отвораме нова фабрика во индустриската зона во Штип. 500 до 600 нови работни места за нашите граѓани. Од вчера започна исплатата на повисоките плати. Над 12.000 полицајци ќе добијат зголемени плати за 10%. Промените не се само зборови – тие се реалност. Македонија повторно станува ваша. Заедно за многу повеќе, за секој човек“, објави Мицкоски.
