Судскиот процес за случајот Веапоска по трет пат се враќа од почеток-родилката од Дебар која остана без матка,бубрег и јајник безмалку 2 години чека правда.Откако почнасудскиот процес на почетокот од 2022-ра,до сега се сменија двајца судии и двајцата во рок од една година заминаа во пензија. Од самиот почеток се одолговлекува судењетона докторите од Струга кои ме осакатија и ме оставија без три органи, вели Веапоска која поднесе и претставка до судскиот совет со барање да се испита работата на судот во Струга.
“Судијата и обвинителот избегаа од процесот и затоа не го завршија.Тие, тој судија и тој обвинител нема да остават никаква трага во правосудството во Република Македонија, ете тоа е моето мислење.Довербата во правосудството е во минусно салдо отидена.Правдата е тешко достапна, луѓето се загрижени, неможеш да го знаеш исходот на постапките од икс причини”-вели Сашо Јанев,адвокат на Веапоска
Претседателот на струшкиот основен суд отворено, вели дека e лоша ситуацијата во судот каде се водат сериозни судски процеси како овој со Веапоска, бидејќи од потребните 15 судии, останале само 4-ца.
” Не е добра ситуацијата,ќе мора да се интервенира дали со делегирање или со избор на друг судија што има работно искуство повеќе од 3 години за да може да постапува во кривичните предмети каде што е предвидено казна затвора над 5 години”-вели Ифет Бајрамоски,Претседател на Основен суд Струга
И додека Веапоска го чека 22-ри декември кога по трет треба да почне судскиот процес против екс директорот на струшката општа болница Мухамед Асани, неговиот синБлертон Асани и Лилјана Јованоска,претседателот на судот мака мачи да го обезбеди потребниот број судии. Од 4-рицата судии кои ја тераат правдата,еден за три месеци ќе се врати во охридскиот основен суд од каде што бил делегиран и двајца млади судии од Академија за судии и јавни обвинители,кои пак ќе постапуваат лимитирано, само за одредени спорови.
Росица Голабоска
