8 мај, среда – ова предлогот на ВМРО-ДПМНЕ за одржување на претстојните претседателски и парламентарни избори. Првиот човек на партијата, Христијан Мицкоски денеска истакна дека единствената недела каде што можат да се поклопат вториот круг претседателски и парламентарните избори е 5 мај, но тогаш е Велигден. Во пресрет на одржување на споени избори за да се намалат трошоците, и истите да бидат ем споени, ем во редовен термин, Мицкоски предложи, истите да се одржат три дена по Велигден.
Во минатото имавме пракса, така беше на последните избори 15 јули 2020 година, и во среда имаме избори и затоа велиме дека 8 мај е повторно можен термин кога би се случил вториот круг претседателски заедно со парламентарните. Би имало 72 часа рокови за жалби, за одлуки и така натаму и да се фати рокот од 12 мај да може новиот претседател да биде инаугуриран. Ова е логиката“, рече денеска во Гевгелија Мицкоски.
Мицкоски повика да се изгради политички консезус за датумот на парламентарните избори: „Да видиме дали од другата страна постои некое логично размислување здраворазумско и да ја дефинираме целата постапка, порача тој.
Додека ВМРО-ДПМНЕ нуди опции, од страна на СДСМ засега молк, нема ниту предлог датуми, а одбија и лидерска средба на која би се зборувало за можните опции. Предложија само работни групи во Собранието на кои би требало да се разговара за датумите, но засега таква средба не е закажана, иако и СДСМ и ВМРО-ДПМНЕ се согласија со тоа.
Од ДУИ пак велат дека датумот за одржување на претседателските и парламентарните избори треба да биде производ на дијалогот меѓу политичките партии, на кој треба да се гледа во контекст на уставната реформа, а не од аспект на партиските интереси.
ДУИ е најмалку загрижена во однос на термините како можност да се помогне позицијата на партијата бидејќи во кое било време нашата позиција е добра. Мислам дека тоа треба да го гледаме во контекст на уставната реформа отколку во контекст на тоа како политичките партии ќе имаат интерес за кој било датум ,вели Османи.
И дел од аналитиларите и познавачите ја поддржуваат идејата за споени избори, првично заради финансиски причини, но и за да не се губи време во период каде во светот се случуваат тектонски промени, а Македонија треба да си го бара своето место. Велат и дека заедничкото одржување на избори ја намалува шансата за евентуален недоволен цензус за претседателските избори и кои тие би биле неуспешни.
