Раздор во власта по прашањето за аменстија. Последен сигнал дека во владата нема кохезија и оти министрите не се единствени како што сакаат да претстават е противењето на Оливер Спасовски за законот за амнестија. Не било време за амнестирање вели тој.
- „Апсолутно не е соодветно ниту времето ниту моментот за носење на закон за амнестија, второ, опфатот кој што е соопштен, дека ќе опфатни прилично мал број на лица, исто така нема да помогне многу. Еве сега тоа е работа на собранието “ – Изјави Спасовски.
Спасовски смета дека криминалците што ќе бидат ослободени, ќе се вратат во затвор повторно, а амнестијата само ќе создаде дополнителна работа и притисок врз безбедносниот систем.
- „Оние лица кои што сториле кривични дела, пред се разбојништва, тешки кражби и така натаму… Претставуваат терет за безбедносната состојба или ако ги погледнеме минатите закони за амнесија, ќе видите дека најголемиот дел од тие лица, за два до три месеци повотрно се враќаат назад, заради тоа што имаат повторно кривични дела“ – Додаде Спасовски.
Ова е целосно спротивен став на неговиот шеф, Ковачевски, кој пак е уверен во законот, кој според планот на власта би требало да влезе во собраниска процедура по скратена постапка без европско знаменце, за десеттина дена.
- „Не е прв во државата кој што се носи како таков, зошто мислам дека во 2018-та се носеше таков закон, со тоа што овој е порестриктивен во однос на тоа што било тогаш донесено. А целите се растеретување на затворскиот систем“- Порача Ковачевски на 27.09.23
Спасовски тврди дека не бил на владината седница на која се гласаше новиот закон за амнестија. Засега е нејасно дали неговата контрадикторност со изјавите на неговиот шеф, можеби произлегуваат од амбициите на министерот за внатрешни работи да се кандидира за шеф на државата, па се обидува да добие по некоја симпатија повеќе од гласачите.
Никола Цветкоски
