Со новиот Закон за помилување се укинува правото на претседателот на државата да аболицира лица опфатени за кои нема правосилна пресуда, Алфа екслузивно дојде до новиот предлог закон кој веќе е испратен до Владата.
Извадок од предлог законот за помилување
Со помилувањето на поименично определено лице, правосилно осудено за кривично дело му се дава потполно или делумно ослободување од извршување на казната, му се заменува изречената казна со поблага казна или со алтернативни мерки или му се определува бришење на осудата или му се укинува, односно му се определува пократко траење на определена правна последица од осудата.
На шест месеци пред одржувањето на претседателските избори во Македонија, власта реши да му ги скрати ингеренциите на претседателот на државата со измени во Законот за помилување.
Министерството за правда добива надзорна улога за примената на овој закон, а се бришат Комисиите кои досега имаа удел во носењето на одлуките.
Дополнотилно законот го уредува целиот процес на помилување, во кои улогата на претседателот на државата е намалена. Затоа пак, затегнати се роковите на институциите, но и лицата коишто се задолжени за спроведување на помилувањето.
Извадок од предлог законот за помилување
За постапување по молбата, Министерството од казнено-поправната установа, од судот кој ја изрекол пресудата, од судијата кој го спроведува извршувањето, од секторот за пробација при Управата за извршување на санкциите и од други надлежни субјекти, бара податоци кои се релевантни за составување извештај за молбата.
Јавноста досега памети неколку аболиции на македонски претседатели за кои се кренаа лавина реакции и се поврзаа со политички игри. Поништената аболиција на поранешниот претседател Ѓорге Иванов за која и Стразбур донесе одлука беше жестоко критикувана од домашната и меѓународната јавност бидејќи со неа беа опфатени имиња на функционери. Исто така, пред повеќе од 15 години тогашмниот претседател Бранко црвенковски го аболицираше Зоран Заев за криминал тежок осум милиони евра.
Паула Костадиноска
