Суплементите за трудниците и додатоците на исхрана неопходни за раст и развој на доенчиња и деца од утре стануваат луксуз . Аптеките од утре ќе стават нова повисока цена на овие производи кои и сега чинат многу. Пример витамините кои ги примаат трудниците по стара цена се околу 900 денари, а пак додатоците за бебиња од 400 – 800 денари .
Главниот на ресорот економија пак Бектеши се залагал за основните прехранбени производи кои се со замрзната цена да се на 5 % . По кој критериум се правела луксузната листа, не упати да прашаме во Финансии
Доколку има какви било технички грешки, ќе се корегираат, а и веќе се корегирани целосно. Направено е и повеќе од тоа по предлог на медиумите и на граѓаните. Листата се прошири и повеќето од производите остануваат со пет отсто ДДВ. За останатите производи, како е утврдено да одат од пет до 10 отсто и кои се критериумите, би ве замолил да се обратите до Министерството за финансии. За нас, како Министерство за економија, е важно основните прехранбени производи, тие кои се на листата за замрзнати цени и со ознаката „гарантирана цена“ да останат на пет отсто ДДВ и тоа ќе биде така , рече Бектеши.
Оправданието на Владата за кои се производи се на оваа листа беше дека таму биле производи кои се луксуз или производи кои се нездрави за луѓето како чиспот . Се поставува прашањето , во која категорија спаѓаат суплементите за бебиња и зошто ќе се даночат исто како месото од ирвас и перките од ајкули .
Владата првично донесе листа со повисок данок за производи кои ги нарече луксузни, а на истата се најдоа продукти како чајот, мастиките, цвеклото . По бурната реакција во јавноста некои од производите беа повлечени и се вратија на стапка од 5 отсто , ама остана долг список на продукти кои од утре ќе се поскапи .
Кристина Алексиеска
