Францускиот претседател Емануел Макрон рече дека неговата земја се бори со најтешката ситуација од Втората светска војна, бидејќи пожарите продолжуваат да беснеат на југозапад, во време кога екипите за итни случаи продолжуваат да се борат со шумските пожари што зафатија делови од Шпанија и Франција.
Шпанските власти велат дека повеќе од 63.000 луѓе се евакуирани од своите домови во близина на Мадрид. Шумските пожари се најболниот израз на климатската вонредна состојба, рече шпанскиот премиер.
Европската Унија мобилизираше дополнителни противпожарни сили. Преку Механизмот за цивилна заштита испратени се седум авиони и четири хеликоптери во Франција, како и шест авиони, 134 пожарникари и 41 возило во Шпанија. Во акцијата учествуваат Чешка, Хрватска, Германија, Португалија, Словачка, Шведска, Турција, Грција и Италија.
Пожарите во Франција и Шпанија веќе уништија повеќе од 100.000 хектари површина.
