Отварањето на училишна компанија во Државниот стручен училишен центар „Коле Нехтенин”во Штип, е нов модел кои на учениците ќе им понуди практична настава, но и зголемување на можностите за вработување. По позитивните примери во Струмица и Скопје,и штипските средношколци ќе работат во услови блиски до реалниот пазар, стекнувајќи практични и професионални вештини. Со директно вклучување во работниот процес, тие ќе станат поконкуретни на пазарот на трудот.
„Училиштето ќе има своја компанија и ќе биде посебен правен субјект. Ќе остварува посебен приход, да ги понуди своите можности и да биде како еден вид помош на компаниите да земе работа од нив и да ја сработи. Тоа ќе биде посебен приход на училиштетот„ изјави Јованка Шалева, дир. на ДСУ„Коле Нехтенин”, Штип.
Анализите покажуваат дека на пазарот на трудот има сериозен недостиг од инжинери од електротехничката и машинската струка, кадар во туризамот и угостителството, како и текстилни работници. Токму затоа, средните училишта ги прилагодуваат своите образовни профили според потребите на компаниите.
„Со смерот техничар за изработка на облека, бидејќи е со концептот учење преку работа кај работодавач, односно по концептот на дуално образование имаме склучено повеќе меморандуми за соработка кои имат прифатено неколку ученици од нашето училиште„ изјави Марина Варадиновска, директорка на СОУ„Димитар Мирасчиев”, Штип
Со поддршка на МОН и Центарот за стручно образование, дуалното образование станува се поефикасно, овозможувајќи на учениците практично искуство и поголема подготвеност за пазарот на трудот.
„Со измени во Законот за средно образование, сега и поддршката од страна на Центарот за стручно образование и МОН, се зајакнува и сега после четири години можам да кажам дека сме на вистинскиот пат, за вистинска реализација на дуалното образование, а не само кое беше само на хартија„ изјави Марија Николиќ, директорка на СОУ„Јане Сандански”, Штип.
Во последните години дуалното образование станува се популарно. Во моментот околу 4000 ученици се запишани во паралелки каде торијата се надополнува со пракса, а оние средношколци што ги исполнуваат критериумите добиваат и стипендии од 3.500 денари.