ВМРО-ДПМНЕ апсолутно го разбира и оправдува револтот на граѓаните по одлуката на правосудните органи за куќен притвор на криминалецот Артан Груби. Ги поздравувавме и владините институции, кои си ја завршија работата и го доведоа криминалецот Груби пред лицето на правдата, кој избега пред една година по отворањето постапка за негова вина во случајот со „Државната лотарија“ за проневера на државни пари во вредност од над 8 милиони евра, истакна на денешната прес-конференција Бране Петрушевски, пратеник на ВМРО-ДПМНЕ.
Очекуваме одлуката на судот да биде во заштита на правдата, а не соучесник во неправдата.
Но, она што е уште поважно е дека СДСМ, партијата што соработуваше и молчеше кога Груби правеше криминал, се исплаши до срж затоа што не знаат што сè Груби може да каже. Дали имаат страв дека неговиот исказ ќе оди до поранешен претседател на СДСМ и премиер на Македонија? Затоа ли вртеа на телефони интересирајќи се за исказот на Груби? Кого може Груби да повлече со себе, дали ќе ги повлече и ортаците по криминал – Заев, Филипче, Спасовски, Зечевиќ и други?
Почитувани,
Вистината е една и единствена, Артан е ортак во криминалите на Заев, Филипче, Спасовски и сите заедно ќе се соочат со правдата и ќе одговараат. Затоа се и паниката и нервозата во редовите на СДСМ, стравот од одговорност им влегол длабоко во коските.
Судскиот процес за Груби, поранешниот вицепремиер и министер во владата на СДСМ, почнува допрва, по судските клупи друштво ќе му прават и сите негови криминогени ортаци.
Правда ќе има!
